MAKALA YA UCHUMI UNASTAHILI KUFANIKIWA MAISHANI MWAKO

Na Ferdinand Shayo,Arusha.

Kuna watu wanafikiri kuwa mafanikio ni kwa ajili ya watu Fulani,kikundi cha watu Fulani ,mtu Fulani lakini siyo yeye na hicho kimekua kikwazo cha mafanikio kwa watu wengi wenye mtazamo wa aina hiyo.

Watu wanaofikiri kuwa maisha mazuri ,nyumba nzuri,gari nzuri,kumiliki kampuni kubwa si kwa ajili yao na kujiona wao ni wadogo na wanastahili madogo ,makubwa wataendelea kuyaona na kuyasikia kwa jirani.

Inafika mahali mtu akila vizuri,akivaa vizuri ,akiwa na maisha mazuri anaona kama anakosea haimpasi yeye anajiona kuwa yeye ni wa shida tu.raha za kina Fulani.

Mungu aliwaumba binadamu ili wafurahie maisha wapate mahitaji yao,wamiliki mali,waishi kwa amani na upendo.

Maisha ni ya kufurahia zaidi na si kuvumilia ,haiwezekani kila siku unakua mtu wa kuvulimilia,kulalamika,kunung`unika na kulia.Jipe muda wa kufurahia maisha

Kila binadamu ameumbiwa raha na shida hakuna binadamu ambaye ameumbiwa shida peke yake,bila changomoto ,na vikwazo mbali mbali na magumu huwezi kuona utamu wa maisha.

Maandiko matakatifu yanatueleza kuwa kila jambo na wakati wake wakati wa kuvuna na kupanda,wakati  wa kufurahia na kuhuzunika.

Nyakati hizi ni muhimu zinatuandaa kuelekea katika nyakati nyingine ambazo ni nzuri zaidi katika maisha unapotoka kwenye huzuni unaelekea kwenye furaha ni kama giza linavyozidi asubuhi nayo inakaribia.

Maisha ya mwanadamu wakati mwingine yanakumbwa na giza la kukata tama,kutokuona tumaini katika maisha lakini unapokuwa mvumilivu na kustahimili asubuhi yako inakaribia ,unauona mwanga ambao ni mafananikio.

Kuna watu wameumbwa na uwezo mkubwa wa kupaa kiuchumi kama Tai lakini cha kushangaza wamezidi kuishi kama kuku .Labda kwa sababu wameishi sana na kuku na wao wakajiona ni kuku.

Nakumbuka hadithi ya  yai la kuku lilochanganyika na mayai ya kuku baada ya kutotolewa wakaishi kama kuku na Yule mtoto wa tai akakua kama kuku hakujua kama ana uwezo wa kupaa kama tai wenzake mpaka siku

alipotazama juu ya kumuona ndege aliyefanana na yeye anaruka alipojaribu kuruka alipaa juu sana hakuamini maisha yake yakawa ni kupaa tu akaachana na maisha ya kuishi kama kuku.

Wako watu wenye uwezo mkubwa wamekatishwa tama a na kujiona  ni wadogo hawafai hawawezi kusonga mbele maisha yao yatabaki hapo hapo hawewezi kuwa wakubwa kiuchumi,kitaaluma,kipaji .

Wakaridhika na maneno ya watu waliogeuka na kuwa manabii wa uongo kuyatabiri  maisha yao na kuacha kumsikiliza Mungu ambaye ameweka vitu vikubwa ndani yao matokeo yake wanaishi kama kuku wakati wamepewa uwezo wa Tai kuishi kama tai kupaa juu na si kubaki chini.

 Kataa maisha ya chini ,toka chini kwenda juu .

ferdinandshayo@gmail.com

0765938008