JAMII YAELIMISHWA KUHUSU MATUMIZI SAHIHI ARVs

Na Ferdinand Shayo,Arusha

Jamii  imetakiwa kuacha tabia ya kuwanyanyapaa watu wanaoishi na virusi vya Ukimwi kwani ndicho chanzo kimojawapo cha waathirika hao kujinyanyapaa na kushindwa kutojitokeza  hadharani kwa ajili ya kupata ushauri na kupima afya zao na baadae kuweza kutumia kwa usahihi madawa ya kupunguza makali ya virusi vya Ukimwi yajulikanayo kama ARVs.

Ushauri huo ulitolewa na Mkurugenzi Mtendaji wa shirika la kuhudumia watu wanaoishi na virusi vya Ukimwi la Training Reasearch Monitoring and Evaluation on Gender and AIDS (TRMEGA) mkoani Arusha Bi Helen Nguya,wakati akizungumza na waandishi wa habari katika mafunzo ya kutoa elimu kwa washiriki 40 wanaoishi na virusi vya Ukimwi kuhusu umuhimu wa matumizi sahihi ya dawa za kurefusha maisha zijulikanazo  kama ARVs. Mafunzo hayo ya siku mbili yalifadhiliwa na The Foundation for Civil Society na kufanyika katika  eneo ya Maji ya chai wilayani Arumeru Mkoani Arusha.

  Aidha Bi Nguya alisema kuwa,shirika hilo limeamua kutoa mafunzo hayo kwa watu wanaoshi katika kata mbili za  Usa River na Maji ya Chai baada ya kuona kwamba watu wengi wanaoishi katika maeneo hayo wanashindwa kujitokeza katika vituo mbalimbali vya afya pamoja na mashirika yanayowahudumia ili kupewa ushauri wa kupima afya zao na kuanza kutumia dawa hizo za ARVs kwa usahihi kwa kuogopa kunyanyapaliwa na ndugu zao au jamii inayowazunguka.

Vilevile aliongeza kwamba anaamini kuwa  washiriki wa mafunzo hayo wataweza kueneza elimu hiyo katika jamii za Usa River na Maji ya chai, hii itasaidia waathirika kuboresha afya zao pia kuondokana na unyanyapaa. Vile vile jamii kuacha kuwanyanyapaa watu hao kwani hata wao wajue kuwa wanaweza kupata ugonjwa huo kwa namna moja au nyingine.

 Kwa upande wa mwezeshaji wa mafunzo hayo kutoka shirika la TRMEGA Dr.Boniface Joseph Shayo alisema kuwa,mwitikio wa watu waliohudhuria mafunzo hayo ni mkubwa na wameonyesha hamasa kubwa ya uelewa na kuongeza kuwa anaamini kwamba jamii itaweza kubadilika na kuwajali watu hao.

Nayemmoja wa wa washiriki wa mafunzo hayo ambaye pia ni mwathirika wa virusi vyaukimwi na ambaye amekuwa akitumia dawa za kupunguza makali ya virusi vya ukimwikwa zaidi ya miaka(20)Bi Jane Mwalego amelishukuru shirika hilo la TRMEGA kwa kuandaamafunzo hayo ambayo yatawasaidia kujitambua, kujithamini na kufunguka kiakilina kuahidi kuwa wataenda kusambaza elimu hiyo kwa jamii inayowazunguka  ili wafahamu umuhimu wa matumizi sahihi yadawa hizo za ARVs.