MAKALA YA UCHUMI TUMIA ULICHONACHO KUPATA UNACHOKITAKA

Na Ferdinand Shayo,Arusha.

Njia mojawapo ya kupata unachokitaka ni kutambua thamani ya kitu ulichonacho hata kama ni kidogo  na jinsi ambavyo kinaweza kukusaidia kupata kile unachokitaka.

Watu wengi duniani wanahitaji maisha mazuri ,fedha,chakula kizuri,nyumba nzuri,magari mazuri na utajiri kwa ujumla.Tatizo linakuja juu ya njia ya kuwafikisha kwenye maisha mazuri wanayoyataka.

Lengo la makala haya ni kukujulisha ,kukuwezesha  kujua kile ulichonacho ndani yako kina thamani kiasi gani na nguvu kiasi gani ya kukusaidia kupata kile unachokitaka.

Unahitaji fedha ile hali kwenye akaunti yako,akiba yako ama kibubu hakuna kitu .Kuna kitu kinaweza kukufanya uwe tajiri zaidi ya fedha kamakipande cha karatasi.Wewe ni wa thamani hata kama hauna pesa kwasababu wewe sio kiasi cha akaunti yako ya benki.

“Your not just a size of your bank account” kinaeleza kitabu cha Siri ya Watu wenye Furaha kinachoeleza juu ya mtu kutambua thamani yake na kutokata tama ili kuyafikia mafanikio yako.

Wewe ni zaidi ya akaunti ya benki wewe ni wa thamani zaidi,ulichonachondani yakoni kikubwa  ukiamua kukitumia kinaweza kukupa zaidi ya utajiri,ufahari,umaarufu katikajamii,taifa na dunia.

Inawezekana unacho kipaji Fulani ndani yako yaweza kuwa uimbaji,uchoraji,ualimu,ubunifu wa mavazi,teknolojia ambao ukiutumia vizuri unaweza kukupatia fedha nyingi utajiri na mambo mengi mazuri ambayo ulitaka kuwanayo katika  maisha yako.

Unaweza ukaanza bila kuwana kitu (kwa maana ya kutokuwa na fedha) ukaishia kuwana vitu (pamoja na fedha) iwapo utagundua kitu cha thamani kilichoko ndani yako na kuamua kukitumia.

Kuna watu wengi duniani wametajirika kutokana na vipaji walivyonavyo walivyonavyo ikwemo Waimbaji,Wanamuziki,Waigizaji ,Waandishi wa vitabu ,wachoraji na wengine wengi.

Wote haohawakua na kitu kwa maana ya fedha bali walikuana kitu kwa maana ya vipaji,uwezo,ubunifu,talanta ambazo wamezitumia na kufanikiwa kimaisha.

Kila mtu Mungu amempa kitu cha thamani ndani yake  hakuna mtu ambaye hana kitu tatizo watu wengi hawajui kuwa wana kitu kikubwa na cha thamani.

Ni kweli hauna fedha mfukoni kama unazo hazikutoshelezi  lakini ndani yako una kitu ambacho ni kamamashine ya kuzalisha fedha ukiamua kukitumia vizuri hutakua na shida ya fedha kamwe.

Amua kukitumia kipaji ulichonacho uwezo ulionao  kuzalisha fedha kupata vitu unavyovitaka ,kupata utajiri ,umaarufu.

Huna haja ya kufanya vitu vya fedheha na aibu kubwa kupiga picha za utupu,kashfa za ngono kupata umaarufu kwa njia za ulimbukeni,Tumia kitu cha thamani ulichonacho kupata umaarufu wa thamani.

Umaarufu ambao utadumu hapa duniani kwa miaka mingi hata kwa vizazi vijavyo vitajifunza kutoka kwako.

Umaarufu unaotokana na vipaji ,uwezo,nguvu,ubunifuhuwa ni umaarufu wa kudumu achana na huu umaarufu wa kibongo wa kutengeneza skendo za ngono,mambo ya aibu na fedheha yasiyompendeza Mungu ilimradi umaarufu.

Hapa Naongelea umaarufu ambao unaacha nyayo ambazo hazifutiki duniani mfano Waimbaji wakubwa duniani,wanamuziki,waandishi wakubwa wa vitabu,Wagunduzi wa ndege,gari na teknolojia mbali mbali watu ambao majina yao hayatasahaulika hapa duniani kamwe.

Hawatasahaulika kwasababu wamefanya mambo ambayo yanaishi bado hata kama wao wameshatangulia mbele za haki.Mchango wao mwema hautasahaulika duniani wameacha urithi mkubwa hata kwa vizazi vijavyo .Japo hawapo lakini wanaheshimika,wanathaminika,wanatumika kwa maana ya vitu walivyoviacha.

Ni wazi kuwa wengine hatuko nao tena lakini sasa wanaheshimika na kuthaminika wanatumika kuliko hata watu ambao wako duniani bado wanaishi.Baadhi wa watu wanadiriki kusema watu hao bado wanaishi kwasababu kazi walizozifanya duniani bado zinaishi,zinatumika,zinahitajika na zinapendewa.

Wewe na mimi,tunafanya nini duniani? Unautumia vizuri uwezo ulionao,kipaji? Utaacha nini duniani baada ya kufa? Utasahaulika kirahisi kwasababu hukufanya mambo ambayo hayafutiki na kugusa maisha ya watu wengi.

Inawezekana kufanya mambo makubwa hata kuliko hao watu ambao wametutangulia ambao kwa miaka mingi tangu waondoke duniani lakini majina yao yanaishi.

Unacho kitu kikubwa ndani yako ambacho hata wao hawakua nacho  na duniani hakuna mwenye nacho isipokuwa wewe.Anza sasa kukitumia kubadilisha maisha yako,familia yako,jamii,taifa na dunia.

Nakutakia Mafanikio,Thubutu Sasa

ferdinandshayo@gmail.com

0765938008