MAKALA YA UCHUMI KATAA KUWA MTUMWA WA FEDHA TUMIKIA NDOTO ZAKO

Na Ferdinand Shayo,Arusha.

“Ukiambiwa umebakiza masaa machache ,siku chache za kuishi  ukaulizwa uhaitaji nini? hutakumbuka kuwa unahitaji fedha kuna jambo utakua unahitaji ulikamilishe kabla hujaondoka duniani” Aliniuliza rafiki yangu Godrich Izack wakati tunazungumza

Kuna mambo ambayo ungetamani uwe umeyakamilisha kabla ya kwenda kwenye hiyo  safari  na si kutamani fedha kama kipande cha karatasi kwako hakitakua na maana kubwa ,ina maana kuna maana ya maisha yako  na sababu ya maisha yako sio fedha.

Pesa ni marupu rupu na si mshahara wa maisha na pesa sio kipaumbele cha maisha ,kipao mbele kikuu ni kusudi la maisha ,mengine ni mengineyo kama fedha ambayo inaweza kuwa nyezo ya kukusaidia kutimiza kusudi la maisha.

Mafaniko ya fedha sio mwisho wa mafanikio ,kilele cha mafanikio unakifikia pale unapotimiza kusudi la maisha yako.Unahitaji zaidi kutimiza kusudi la maisha kuliko fedha.

“Pesa sio malengo ,pesa haina thamani ,thamani ya pesa inakuja pale ambapo kuna ndoto ambazo pesa imekusaidia kuzifanikisha”  Anaeleza Mwandishi Mashuhuri wa vitabu Robert Kiyosaki

Kwa hiyo kama unafikiria kuwa unaishi kwa ajili ya fedha utaishia kuwa mtumwa wa fedha,kumbuka hujazaliwa uwe mtumwa wa fedha bali fedha zikutumikie wewe zikusaidie utimize ndoto zako,malengo yako na maono uliyonayo juu ya maisha yako.

Japo utumwa hauepukiki duniani tafsiri nyingine ya utumwa na kutumikia,unatakiwa umtumikie Aliyekuumba na utumikie kusudi la wewe kuwepo duniani ,utumikie ndoto zako,malengo,maono hivyo tu.

Unapozitumikia ndoto zako kwa kiwango kikubwa ,kiwango cha kukuzalia matunda na kukupa marupu rupu hata kukulipa mshahara ambayo yanaweza kuwa fedha.

Mfano ndoto yako ni kugundua teknolojia ya maji kwenye sehemu zenye ukame ,ndoto hiyo itakapozaliwa duniani itazaa maji ambayo ni jibu,utatuzi na suluhu la matatizo ambayo ya jamii ambayo utabadilishana nao watakupa fedha.

Hivyo njia rahisi ya kupata fedha na kuzitumikia ndoto zako huna haja ya kuwa mtumwa wa mtu kulazimika kuajiriwa ili upate fedha japo unaweza kuchepuka kutoka kutumikia  ajira hadi kutumikia ndoto zako pale ambapo umepata fedha na rasilimali za kukufanikisha kutimiza ndoto zako.

Fikiria kuzizalisha ndoto zako pesa zitazaliwa baade lakini kama huna ndoto utalazimika kutumikia ndoto za watu ili upate fedha  na huko ndio kugeuka mtumwa wa fedha.

Mtumwa wa fedha hafurahii maisha hata fedha anazozipata anazipata kwa maumivu makubwa,fedheha  na uchungu wakati mwingine anazitumia fedha hizo ovyo bila mpangilio kwa kudhani kuwa ni njia ya kupooza machungu yake pindi alipokua anatafuta na kujikuta anafuja fedha hata kufilisika na kubaki kuwa masikini.

Hatujaja duniani ili kuwa watumwa wa fedha  tumekuja duniani ili kuwa watumwa wa ndoto zetu .Ndoto zetu ni vile vipaji tulivyonavyo,uwezo,talanta,sanaa ambazo ni kama zawadi zilizoko ndani yetu.

Utumwa wa fedha umewafanya watu kitu mbaya ,kulazimika hadi kutoa rushwa ya ngono,kufanya umalaya na ukahaba ili kupata fedha na kugeuka watumwa wa ngono pia.Watu hawa wangependa kutumikia ndoto zao haya yote yasingetokea.

Hakuna Utumwa mbaya kama kufanya kazi ambayo hauipendi  ni jambo ambalo linawatesa watu wengi hawana furaha na kile wanachokifanya ukiwauliza wanakuambia tunafanya kwasababu ya fedha.

Watu wengi duniani wametumikishwa na fedha badala ya kuitumikisha fedha iwasaidie kutimiza ndoto walizonazo.

Kufanya kazi ambayo hauipendi  ni kuingia kwenye utumwa  kwa sababu ya fedha kujikuta unazinyonga doto zako ama kuziua kabisa.

Ili ufanikiwe kimaisha na kuwa tajiri si lazima utumikie fedha ila ni lazima utumikie ndoto zako kwasababu ndipo utajiri wa kweli ulipo.

“Kila mtu ambaye ana ndoto duniani ni tajiri mtu masikini kuliko wote ni Yule ambaye hana ndoto” Anaeleza Mwandishi Mashuhuri wa vitabu Myles Munroe Katika kitabu chake cha Releasing Your Potential

Inawezekana kuna ndoto inakusukuma ndani yako  kuifanya lakini wewe unaidharau unaona ni kitu kidogo ,kazi ndogo na kujitazama kwa macho ya watu huku ukijiuliza watu watanionaje?

Unasahau kuwa mambo makubwa yalianzia kwenye mambo madogo madogo nakuota mizizi hadi yakawa makubwa .Usiogope kuanzisha kampuni ndogo itakua kubwa,biashara ndogo itakua kubwa.

“ Bora kujaribu na kufeli kuliko kufeli kujaribu” Anaeleza Mdau wa Mpango wa Maisha Ya Thamani ,Deogratius Joseph Kassamia akieleza umuhimu wa kutubutu ili kufanikiwa.

Kutumikia ndoto zako hakukupi maumivu makubwa ,kunakupa furaha ,afya,amani ya moyo na akili (peace of mind) .

Siku zote mafanikio huja kwa kupenda unachofanya ,hii ina maana kuwa kama unachokifanya hukipendi hakiwezi kufanikiwa wala kukufanikisha.

Nimewahi kukutana na watu ambao wanafanya kazi ambazo hawazipendi ,wanasomea fani ambazo hawazipendi wameshauriwa na wazazi,ndugu,wapenzi wao.Wanapata shida sana hawana furaha ,amani wametawaliwa na huzuni ,haijalishi ni kazi ya ofisini ina msharaka mnono ,marupurupu ya kutosha.

Tumikia ndoto zako usitumikie fedha

ferdinandshayo@gmail.com

0765938008