MAKALA YA UCHUMI JE KWELI PESA NI KILA KITU?

Na Ferdinand Shayo,Arusha.

Watu wengi sana wanakuhimiza utafute pesa lakini wachache wanakuhimiza  utafute kusudi la maisha yako na kulitimiza.

Watu wengi wamehimizwa kutafuta pesa na kuaminishwa kuwa pesa ndio kila kitu lakini baada ya kupata pesa na vitu vingi majumba makubwa,magari  magari ya beighali na kuwa na maisha ya kifahari bado wakahisi kuna kitu kikubwa wamekikosa kwenye maisha yao.

Wengi wamepata pesa wakiamini kuwa wakiwa na pesa watakua watu sahihi ,watapata amani ya moyo lakini mambo yakawa tofauti wanajiuliza nini kimetokea kwenye maisha yao,kwa nje wanaona wamejaa kwa ndani wanaona wamepungukiwa sana na sio kidogo.

Ni kweli wamepata pesa wakalisha njaa zao na kuzishibisha kunawiri na kustawi kuwa na afya njema wakasahau kulisha maono yao,ndoto zao na kusudi la wao kuwepo duniani bado wanahisi njaa ,wanahisi kuna kitu ndani yao kinahitaji kushibishwa sio kwa mvinyo,starehe wala uasherati na uzinzi.

Wako waliotumia na wanaotumia pesa kujenga ndoto zao na wapo ambao pesa zimebomoa ndoto zao na kusudi la wao kuwepo  duniani licha ya utajiri alionao kuna wakati haufurahii anakosa amani ya moyo kuna muda anaona kama maisha hayana thamani na haoni sababu kamili iliyojitosheleza ya yeye kuendelea kuishi.Si suala la ushirikina wengine ni wacha Mungu lakini hutokewa na hiyo hali wanapoacha kutimiza kusudi la maisha yao duniani na kufikiri kuwa wako duniani ili kujistarehesha.

Walifanya mambo kwa kusukumwa na fedha na sio kusukumwa na ndoto walizokuwa nazo tangu kipindi hawana fedha walikuwahawana kitu (zero) lakini mpaka sasa wanazo.

Maisha si fedha ,maisha ni zaidi ya fedha ,ni zaidi ya fahari ya fedha .Unapoona kuwa fedha ndio kila kitu duniani unakua umezuia vitu vikubwa visitokee kwenye maisha yako,vitu ambavyo vina thamani kubwa kuliko fedha.

Chukulia fedha ni nyumba na Ndoto ni nyumba ,mtu anayeishi kwenye fedha na anayeishi kwenye ndoto zake ni watu wawili tofauti sana.

Anayeishi kwenye ndoto zake anaishi kwenye kiini  cha maisha,maisha aliyokusudiwa kuishi hapa duniani.

Unaweza ukaishi ndani ya fedha ukawa nje ya maisha usiwe ndani ya maisha kwa maana ya kuishi kusudi la miasha yako na kulitimiza.

Hivyo utakubaliana nami kuwa fedha sio kila kitu kuna vitu vina thamani kubwa na maana kubwa katika maisha kuliko fedha.

Kuna vitu havinunuliki kwa fedha kwasababu vina thamani kubwa kuliko fedha ,ambavyo ni ndoto,maono,vipaji,talanta na uwezo ambao Mungu ameweka ndani yako.

Kuna watu walipata fedha ,fedha zikawapofusha wakashindwa kuona thamani yao,vitu walivyonavyo ndani yao na thamani ya watu waliowazunguka wakabaki kuona thamani ya fedha walizonazo.

Watu hao wako hata katika jamii zetu tunaishi nao ,wamekuwa watu wa mafanikio lakini si watu wa thamani.

Si watu wa thamani kwasababu hawaridhiki na hata jinsi ambavyo Mungu alivyowaumba ,wanatengeneza urembo wa bandia ,wanaiharibu miili yao kwa kigezo cha kujistrarehesha,starehe ina thamani kuliko mwili wako ,unaouharibu kwa madawa ya kulevya,pombe,uasherati na vitendo viovu.

“Usijaribu kuwa mtu wa mafanikio jaribu kuwa mtu wa thamani” Hii ni nukuu ya ALBERT EINSTEIN  ,Mwanafalsafa Maarufu duniani.

Kuwa mtu wa Thamani ni kuwa mtu wa upendo,utu,nidhamu.Kuwa mtu wa thamani ni msingi mzuri wa kuwa mtu wa mafanikio unakusaidia mafanikio yanapokuja yasikuharibu bali yazidi kukujenga  na kukuimarisha badala ya kukubomoa na kukumomonyoa.

ferdinandshayo@gmail.com

0765938008