Msaada wahitajika haraka kwa walemavu wa ngozi ambao hufariki wakiwa na umri mdogo.

CHAMA cha watu wenye ulemavu Tanzania, kimeiomba serikali na wadau wengine kutafakari vikwazo vinavyosababisha tofauti wa umri wa kuishi kati ya watu wenye ulemevu wa ngozi na wasio na ulemavu huo katika jamii.

Msemaji wa chama hicho, Josephat Toner, amesema kuwa, asilimia kubwa ya watu wenye ulemavu wa ngozi hufariki wakiwa na umri wa mika (30-45) kutokana na saratani ya ngozi, huku watu wengine wakifariki wakiwa na umri wa miaka 60 na kuendelea.

Amesema vifo hivyo kwa sehemu kubwa vinasababishwa na saratani ya ngozi na kuimba serikali na wadau wengine kuangalia namna ya kulisaidia kundi hilo kutokana na hatari ikiwemo kuruhusu kuingizwa kwa mafuta maalum ya kuwasaidi kujikinga na saratani.

Toner, ametoa kilio hicho, wakati akizungumzia siku ya maadhimisho ya siku ya walemavu wa ngozi nchini, ambayo hufanyika Mei 4, kila mwaka, kwa lengo la kujadili changamoto zinazowakabili.

Kumbukumbu zinaonyesha kuwa Shirika la Under the Same Sun hapa nchini, lilitoa pongezi za dhati kwa serikali kwa kushughulikia tatizo la mauaji yaliyokuwa yamekithiri katika maeneo mbalimbali hapa nchini, kikamilifu na kwa haraka na kufanikiwa kupata watuhumiwa waliohusika na mauaji hayo katika maeneo mbalimbali hapa nchini.