MAKALA YA UCHUMI TAMBUA KUSUDI LA MAISHA YAKO UFANIKIWE

Na Ferdinand Shayo,Arusha.

Upo duniani unaishi kwasababu ,tafuta hiyo sababu .Iyo sababu ndo kusudi la maisha,kwenye kusudi la maisha ndipo kilipo kiini cha maisha yako.

Unapoacha kutimiza kusudi la maisha unakua umefanya mambo mengine mengi bado hayatoshi kama hujatimiliza kusudi la maisha kuliishi na kutimiza kama wajibu ulioitiwa chini ya jua.

Ni ukweli usiopingika kuwa hakuna binadamu asiyekuwa na jambo analoweza kufanya chini ya jua.Mungu hajawahi kuumba kiumbe kisichokua na kazi,ni muhimu utambue kazi uliyoitiwa uifanye duniani

Ili kujua kusudi la maisha yatupasa kusikiliza sauti ya ndani yako ambayo inatuelekeza mambo ya kufanya duniani,si kuyumbishwa na kelele za watu hata wanaokushauri.

Maisha yako yanapokua ni matokeo ya maoni,ushauri na kelele za watu ,maisha hayo yanafananishwa na maisha ya mbwa anayepigiwa miluzi mingi hivyo ni rahisi kupotea,kupoteza kusudi la maisha.

Kushauriwa na kupokea maoni ya watu si jambo baya lakini si kwa  kila mtu na kila kitu ,wewe ndio un ajua kuwa unapaswa kuwa nani kuna kitu gani ndani yako,uwezo Mungu aliokupa hakuna mtu anayejua.

Ukiruhusu watu wawe hakimu wa maisha yako kwa kukuhukumu kwa macho ya nje wataua vitu vilivyoko ndani yako utajikuta unaishi maisha yasiyo na kusudi ,utakosa amani ya moyo ,ya akili na wakati mwingine kutokuona sababu ya kuendelea kuishi hata kama una fedha nyingi.

Wako watu waliokubali kushauriwa kwa kila jambo bila kupima wakajikuta wameua ndoto zao,maono,vipaji .Si kila mtu anapaswa kukushauri chagua watu wa kukushauri na wawe wachache.

Ni vigumu sana kwa watu kujua thamani yako na thamani ya vitu vilivyoko ndani yako  isipokuwa wewe Mwenyewe na Aliyekuumba .Unaposhauriwa na mtu ambaye hajua thamani ni rahisi kukukatisha tamaa ama kukufanya ujione mtu wa kawaida wakati we ni wa thamani,una vitu vya tofauti.

Kila binadamu ameumbwa kiutofauti na ni spesho ,wa kipekee binadamu hawafanani wanasayansi wameliahakikisha hilo kwa kupima alama za vidole (finger print) hazifanani kila binadamu anazo zakwake.

Uko msukumo wa ndani unaokutaka ufanye mambo mazuri ambayo umekuja duniani uyafanye lakini watu wengi hawatambui wanaupuuzia.

Kuna vitu unaugua ndani yako kuvifanya lakini huvifanyi pengine unakatishwa tamaa na mazingira ya nje na macho ya watu watawaonaje na kuishia kufanya vitu vya kawaida kama wengine huku ukiua kusudi la maisha yao.

Wengine wameogopa kufanya hivyo kwa kuhofia kuwaudhi wengine ama rafiki zao,familia,jamii,taifa litawaona kuwa ni watu wa tofauti ,na kuamua kuwa watu wa kawaida.Umeumbwa wa kipekee na watofauti usiogope kufanya vitu vya tofauti,vya ubunifu kwa kuhofia watu utashindwa kutimiza kusudi la maisha yako.

Yale mambo mazuri ambayo unasukumwa ndani yako kuyafanya mara kwa mara bila kikomo pengine ndio kusudi la maisha yako,usidharau hata kama ni mambo madogo kwani mambo makubwa yalianzia kwenye mambo madogo

Picha ya maisha yako iko ndani yako usiogope kuitoa nje .Unaiona kwenye moyo wako ,akili na macho ya ndani .Ayo ndo maisha ambayo umekusudiwa uyaishi usijilazimishe kuishi maisha ya watu wengine na kufanya vitu wanavyofanya wengine.

Kuna uhusiano mkubwa kati ya kusudi la maisha na amani ya moyo,Watu wengi wanaokosa amani ya moyo na ya akili duniani ni wale ambao hawajatimiza kusudi la maisha na hata kama wametimiza si kwa kiasi cha kutosheleza kinachowapa amani .

Una kitu cha kipekee umekuja nacho duniani mfano wa talanta usikubali kukifukia ardhini bila kukitumia duniani na wengine wanakufa nacho ndio maana wachunguzi wa mambo husema makaburini kuna utajiri mwingi.

Kataa kuwa mtu anayechangaia ukwasi kaburini kwa kutimiza ndoto zako,malengo zaidi kutimiza kusudi la maisha.

Kila mtu amezaliwa na zawadi ambayo ni kipaji,uwezo,nyimbo nzuri ,uandishi mzuri,uongozi mzuri kama wakina Mwalimu Nyerere ,tuitumie zaidi hiyo vizuri kuisaidia na kuibadilisha dunia.

Msukumo wa ndani humjia mtu ndani yake na kumpa picha ya mambo yaliyoko ndani yake ambayo anatakiwa ayafanye yatokee kwa nje ,wengi wanaupuuzia.Unapouzuia na kuupuuzia unasababisha maumivu ya ndani ,kukosa amani ya moyo.

Watu wengi inapowatokea hali kama hiyo wanashindwa kujua wanakua watu wa kuhuzunika kwasababu tayari wameshaua kusudi la maisha yao lililopo ndani yao,wanakosa furaha hata kama wana magari na fedha.

Wengi huzani furaha na amani inatokana na wingi wa fedha ,mali na utajiri walionao lakini si kweli wako wenye mali nyingi lakini hawana amani ndani yao si kwasababu wamepata mali kwa ushirikina,udanganyifu ama kuua hapana inawezekana hawajaua mtu lakini wameua kusudi la maisha yao.Huzuni na uchungu hautakwisha mpaka pale watakapoamua kuhuisha kusudi la maisha yao na kuliishii kwa kulitimiza.

Kuna watu unakuta ana kipaji,uwezo na talanta ya kufundisha akifanya hivyo anapata amani ya moyo,akili,furaha na afya hata kama halipwi fedha nyingi ,maisha yake yanachanua ,mwenye karama hiyo akaidharau akaenda kufanya kazi benki kwasababu kuna hela mtu huyu atapata fedha nyingi lakini amani ya moyo haipo,furaha ya kweli na yakudumu haipo.

Kinachotokea hapa mtu huyu kwasababu hajui kinachomtesa si wachawi,waganga,mawazo,stress anajikuta anakua mtu wa kutafuta amani ya moyo,furaha kwasababu havipo ndani yake.

Anajitumbukiza kwenye ulevi,uasherati na uzinzi ,madawa ya kulevya lakini bado hapati amani ya moyo ya kudumu mwisho anaona maisha hayana thamani kwake anakosa sababu ya kutosha kuendelea kuishi anajaribu hata kujiua.

Jambo la msingi ili kutambua kusudi la maisha yako na vitu ulivyonavyo ndani yako ,acha kuishi kwa kujitazama kama watu wanavyokutazama na kujihukumu kwa maneno ya watu.

Ukijitazama kama watu wanavyokutazama kwa nje hutaona vitu vya ndani vilivyoko ndani yako utajikuta unaishi kama watu wanavyotaka uishi na si jinsi uanvyotakiwa uishi,ulivyokusudiwa uishi,ulivyokusudiwa uwe.

Tengeneza mazingira ya utulivu ndani yako,kutazama vitu vilivyoko ndani yako,kusikiliza sauti inayotoka ndani yako inayokupa mwelekeo wa maisha yako.

Utulivu wanje pia ni muhimu unakusaidia kutulia kuvisikia vitu vya nje kwa wepesi,kila siku unashauriwa kutenga walau nusu saa ya kukaa kwenye ukimya bila kuongea wala kumsikiliza mtu,simu,mazingira,pawe na ukimya wakutosha.

Tambua kusudi la maisha yako ufanikiwe

ferdinandshayo@gmail.com

0765938008