FAMILIA YAILILIA SERIKALI WILAYANI SIMANJIRO KUSAKA WAUAJI WA MJUMBE WA CCM

Waombolezaji wakiwa kwenye Ibada ya Aliyekua Mjumbe wa kijiji cha Kambi ya Chokaa kwa tiketi CCM,Yona Rometi aliyefariki baada ya kushambuliwa na kupigwa na watu wasiojulikana hadi kupelekea kifo chake.Ibada ya Mazishi ilifanyika jana nyumbani kwake wilaya ya Simanjiro.Picha na Ferdinand Shayo

Waombolezaji wakitoa heshima za mwisho kwa mwili wa Aliyekua Mjumbe wa kijiji cha Kambi ya Chokaa kwa tiketi CCM,Yona Rometi aliyefariki baada ya kushambuliwa na kupigwa na watu wasiojulikana hadi kupelekea kifo chake.Ibada ya Mazishi ilifanyika jana nyumbani kwake wilaya ya Simanjiro.Picha na Ferdinand Shayo

Waombolezaji wakibeba mwili wa Aliyekua Mjumbe wa kijiji cha Kambi ya Chokaa kwa tiketi CCM, Yona Rometi aliyefariki baada ya kushambuliwa na kupigwa na watu wasiojulikana hadi kupelekea kifo chake.Ibada ya Mazishi ilifanyika jana nyumbani kwake wilaya ya Simanjiro.Picha na Ferdinand Shayo

Waombolezaji wakibeba mwili wa Aliyekua Mjumbe wa kijiji cha Kambi ya Chokaa kwa tiketi CCM,Yona Rometi aliyefariki baada ya kushambuliwa na kupigwa na watu wasiojulikana hadi kupelekea kifo chake.Ibada ya Mazishi ilifanyika jana nyumbani kwake wilaya ya Simanjiro.Picha na Ferdinand Shayo

Waombolezaji wakibeba mwili wa Aliyekua Mjumbe wa kijiji cha Kambi ya Chokaa kwa tiketi CCM,Yona Rometi aliyefariki baada ya kushambuliwa na kupigwa na watu wasiojulikana hadi kupelekea kifo chake.Ibada ya Mazishi ilifanyika jana nyumbani kwake wilaya ya Simanjiro.Picha na Ferdinand Shayo

Na Ferdinand Shayo,Simanjiro.

Familia ya Aliyekua mjumbe wa kijiji cha Kambia ya Chokaa  (CCM)  kilichopo wilaya ya Simanjiro  wameiomba serikali iwachukulie hatua  watu waliohusika na kumshambulia  kwa kipigo kikali Mjumbe huyo Yona Rometi hadi kupelekea kifo chake.

Ndugu wa familia hiyo John Rometi ambaye ni Kaka wa marehemu huyo akizungumza mara baada ya Ibada ya Mazishi iliyofanyika kijijini hapo jana ameeleza kushangazwa na kitendo hicho kinachohusianishwa na migogoro ya uchaguzi wa serikali za mitaa na kutafsiriwa kama mtindo wa kulipiza kisasi.

John anaeleza kuwa ndugu yao alifariki siku chache baada ya kuapishwa kwa viongozi wa serikali za mitaa ambapo kundi la watu lilivamia akiwa eneo la Macheka wilaya ya Hai akielekea nyumbani kwake Simanjiro ndipo walipomkamata na kumshambulia kwa kipigo kikali na kupelekea mauti yake kwani alifariki wakati  akiwa njiani akiwahishwa hospitali ya KCMC  mnamo Januari 5 mwaka huu.

“Baada ya tukio hilo tuliwakamata watu wawili ambao ni wahusika na kuwapelekea kituo cha polisi ambapo ni makao makuu wilaya ya Hai kwasababu ndugu yetu aliuawa akiwa hai,mpaka sasa hatujajua hatma tunaiomba serikali isifumbie macho suala hili” Alisema John

Mwenyekiti wa Kitongoji cha Nomeuti ,Kipelian Izack amesema kuwa watu wengi wamepigwa na butwaa baada ya kutokea kwa tukio hilo kwa kuwa Tanzania ni nchi ya amani na demokrasia ,kitendo hiki ni ulipizaji wa kisasi na kujichukulia sheria mkononi.

Ameeleza kuwa  zaidi ya miaka 30 uchaguzi wa serikali za mitaa ulikua ukifanyika kwa amani kwa sasa inashangaza waliohusika na tukio hili wachukuliwe hatua wasifumbiwe macho.

“Kifo cha Yona Rometi kinatokana na mgogoro wa kisiasa uliosababishwa mvutano wa kisiasa ndani ya CCM,makundi mawili kundi linalomuunga mkono mwenyekiti  wa kijiji  cha Kambi ya Chokaa aliyechaguliwa Mbuki Ratoi na Joshua Kunei ambaye hakupitishwa na chama” Alisema Mwanakijiji mmoja

Kwa upande wake Daktari David Kussaga  wa Hospitali ya KCMC aliyefanyia uchunguzi mwili wa marehemu kwa lugha ya kitaalamu  (Postmortem) amesema kuwa John alifariki baada ya kupigwa na kitu chenye ncha kali kichwani katika eneo la utosi kiasi cha kuutoboa na kuharibu ubongo na mifupa ya kichwa jambo lililokatisha uhai wake.

“Kesi hiyo inatarajiwa kusomwa kesho  Januari 15 mwaka huu katika Mahakama ya Wilayaya Hai “ Alidokeza Ofisa Mmoja wa polisi kutoka ofisi ya OCD wilaya ya Hai ambayehakutaka jina lake liandikwe gazetini.