BREAKING NEWS: POLISI WANNE WAJERUHIWA VIBAYA KATIKA AJALI YA MBIO ZA MWENGE

POLISI wanne wamejeruhiwa vibaya baada ya msafara wa mbio za Mwenge wa Uhuru kupata ajali katika wilaya ya Sikonge mkoani Tabora ukiwa njiani kuelekea Singida, ikiwa ni siku tano kupita baada ya tukio kama hilo kutokea mkoani Mbeya na kumjeruhi polisi mmoja.

Taarifa zilizoifikia hapa PRINCEMEDIATZ leo Jumatano Juni 4, 2014 zimeeleza ya kuwa muda mchache na baada ya tukio hilo  waandishi wa habari walinyang’anywa vifaa vya kazi ikiwemo kamera na viongozi wa mbio hizo ili wasiripoti tukio hilo.

Mei 31, 2014, msafara huo ukiwa mkoani Mbeya, ulipata ajali wilayani Rungwe iliyosababishwa na mwendo kasi ambao ulisababisha gari la polisi  lenye namba PT 1631 kumgonga polisi mwenye namba J 2649 PC Grace na kumjeruhi.

Taarifa za awali kutoka vyanzo vyetu vya habari mkoani Tabora zimedai ya kuwa, ajali hiyo ilitokea wakati msafara huo ukiwa unaelekea katika kuzindua mradi wa shule ya Daraja la Mungu, ambapo gari moja ambayo haikutambulika namba zake iligonga gari ya polisi na kusababisha askari mmoja wa kikosi cha kutuliza ghasia (FFU) kujeruhiwa vibaya katika sehemu mbalimbali za mwili wake.

Tunaendelea kufuatilia tukio hilo kwa karibu, kadri tutakavyopata taarifa tutawapa taarifa