Watakiwa kuhama kutokana na athari za Mafuriko kila Mwaka!

WAJUMBE wa Serikali za Mitaa (ALAT) Mkoa wa Arusha, wameitaka Halmashauri ya Wilaya ya Monduli, Mkoani humo kuwaondoa Wananchi wa eneo la Mto wa Mbu wanaoishi kando Kando ya Mkondo wa Maji, ili kuepusha athari za Mafuriko.

Akizungumza na Wajumbe waliotembelea na kukaguamiradi mbalimbali ya maendeleo katika Wilaya hiyo, Ijumaa Aprili 4, mwak huu, Mwenyekiti wa (ALAT) Mkoa, Godson Manyula, amesema Wananchi hao hukumbwa na mafuriko kila mwaka kutokana na kuishi katika mkondo huo.

Kufuatia hali hiyo, amewataka Wananchi hao kuhamasishana wao kwa wao ili kuondoka katika maeneo hayo na kuishi katika maeneo salama.

“Mafuriko yamekuwa makubwa sana, imebidi tukuchukue tahadhari mapema tuwaombe akina Baba watusaidie katika hili kwani mafuriko yakitokea wanaoathiriwa zaidi ni Akina Mama”

Kwa upande wao Wakazi wa Mto wa Mbu, wameitaka Serikali kupanua mifereji ya Maji katika eneo hilo, ili kuzuia Maji kuingia katika makazi yao wakati wakifanya mchakato wa kuhama.