HABARI ZA IRINGA: Kitu chenye ncha kali chakatisha uhai wa mtu,mwanafunzi wa sekondari ashikiliwa kwa kutoa mimba,Iringa!

 

Kaimu Kamanda wa polisi mkoa wa Iringa

 ACP Wankyo Nyigesa

Mtu mmoja  amefariki dunia mkoani Iringa  kwa kukatwa na kitu chenye ncha kali na mtu au watu wasiojulikana.

Akithibitisha kutokea kwa tukio hilo kaimu kamanda wa polisi mkoani hapa  BW. WANKYO NYIGESA WANKYO, amesema Joel Mkinda (33) mkazi wa  Ilandutwa    kijiji cha Ibumila kata ya Mgama tarafa ya kiponzelo  wilaya ya  Iringa vijijini  ameuawa kwa kukatwa na  kitu chenye ncha kali shingoni na kichwani na  watu wasiojulikana, chanzo kinachunguzwa na watuhumiwa wamekamatwa.

Katika tukio lingine mwanafunzi  wa kidato cha tatu  Kihesa sekondari  Happy  Luhala (16) mkazi wa Kihesa Semtema  manispaa ya Iringa amekamatwa  kwa kosa la kutoa mimba ya miezi  mitatu aliyopewa na Obas Ngailo (21) mkazi wa Kihesa Semtema .

Katika tukio lingine Ester Lubida (28)  amekamatwa maeneo ya Mshindo wakati  askari polisi wakiwa doria    akiwa na mitambo miwili ya kutengenezea pombe haramu ya gongo na lita nne na nusu za pombe hiyo.

Aidha tukio lingine limetokea  katika kijiji cha Mdaburo kata ya Mdaburotarafa ya Ifwagi wilaya ya Mufindi   TonNduguru (38) mfanyabiashara wa Kihesa Iringa amekamatwa  na noti bandia zenyethamani ya  shilingi elfu sabini  kwenye duka la M-pesa akiwa  anaingiza kwenye akaunti yake ya M-pesa.