Kesi ya Kikatiba dhidi ya Waziri Mkuu yapigwa Kalenda!

MAHAKAMA kuu Tanzania, Kanda ya Dar es Salaam, imeahirisha kutoa uamuzi wa kesi ya kikatiba dhidi ya Waziri Mkuu, Mizengo Pinda, hadi Mei 19, mwaka huu, itakapotoa uamuzi wa pingamizi la awali lililowasilishwa na upande wa Jamhuri.

Uamuzi huo ulipangwa kutolewa jana lakini iliahirishwa mbele yay a msajili Bebedicto Mwingwa, baada ya jopo linalosikiliza kesi hiyo kuwa bado halijamaliza kuandika uamuzi huo.

Kesi hiyo inasikilizwa na jopo la majaji watatu, likiongozwa na mwenyekiti wao Jaji Kiongozi, Fakihi Jundu.

Kesi hiyo yenye namba 24 ya 2013, iliyofunguliwa na kituo cha Kisheria na Haki za Binadamu (LHRC) kwa kushirikiana na Chama Cha Wanasheria Tanganyika (TLS).

LHRC na TLS, WANADAI Pinda alivunja Katiba kutokana na kauli aliyowahi kuitoa Bungeni mjini Dodoma akidai kuwa ni amri kwa vyombo vya utelekezaji wa sheria kuwapiga wananchi, wakati vurugu.

Hivyo Mahakama, pamoja na mambo mengine, itamke kuwa kauli hiyo ni kinyume cha Katiba na imwamuru Pinda aifute hadharani.