SERIKALI KUTENGA Milion 500 kujenga Nyumba za Waalimu Nchini!

SERIKALI imetenga kiasi cha Shilingi milioni 500 kwa Halmashauri 41 Nchini, kwa ajili ya Ujenzi wa Nyumba bora za Waalimu, ili kuwajengea mazingira mazuri wanapokuwa katika maeneo ya kazi.

Rais Jamhuri ya Muungano wa Tanzania, Dk. Jakaya Kikwete, ametoa kauli hiyo Machi 28, mwaka huu, alipokuwa akiwahutubia Wananchi kwenye Mkutano wa hadhara kwenye uwanja wa barabara ya Karume Jijini Tanga.

Amesema tayari Halmashauri za Ukinga, Pangani na Kilindi zimeshapata fedha hizo, ambapo pia Serikali imetenga fedha kwa halmashauri nyingine hapa Nchini, ili kuboresha makazi na Nyumba za Waalimu wanaopangiwa katika Vituo mbalimbali ya kazi hapa Nchini.

Rais, amemaliza awamu ya kwanza ya ziara yake ya kikazi Mkoani Tanga, aliyoianza Machi 25, mwaka huu, ambapo ametembelea na kukagua shughuli za maendeleo pamoja na kufungua miradi ya barabara katika baadhi ya Wilaya Mkoani humo, Maji, Maabara na Soko.

Katika ziara yake pia Rais ametembelea Wilaya za Handeni, Korogwe, Tanga na Muheza, na katika awamu ya pili ambayo itafanyika April mwaka huu, amepanga kutembelea Wilaya za Mkinga, Lushoto, Kilindi na Pangani.