 |
| Mgeni rasmi wa shughuli hiyo Mkuu wa Wilaya ya Karatu,Theresia Muhonga aliyemwakilisha mkuu wa mkoa wa Arusha Mrisho Gambo |
 |
| Baadhi ya washiriki waliohudhuria |
 |
| Baadhi ya wafanyakazi wa kampuni ya umeme jua ya mobisol waliposhiriki katika shughuli hiyo |
 |
| Baadhi ya washiriki wakimsikiliza mkuu wa wilaya ya karatu Theresia Muhonga juu ya agizo lililotolewa na mkuu wa mkaoa wa Arusha Mrisho Gambo juu ya kupanda iti milioni 1.5 kwa kila halmashauri |
NA: ANDREA NGOBOLE, PMT
Mkuu wa mkoa Arusha,Mrisho Gambo ameagiza halmashauri zote
za mkoa Arusha kupanda miti 1.5 milioni kwa mwaka ili kutunza mazingira.
Gambo alitoa hutuba hiyo kwenye maadhimisho ya upandaji miti mkoa Arusha ambayo yalifanyika kijiji cha Selela wilaya ya Monduli.
Katika hutuba ya Gambo ambayo ilisomwa na Mkuu wa Wilaya ya
Karatu,Theresia Muhonga alisema ili kufanikisha hilo,kila halmashauri
inapaswa kutenga fedha kila mwaka.
"Tengeni fedha kila mwaka kusaidia kupanda miti na kuihifadhi" alisema
Mkuu huyo wa mkoa alizitaka halmashauri kushirikiana na wadau mbali mbali ili kufanikisha hilo zikiwepo sekta binafsi.
Awali Meneja Masoko wa kampuni ya Mobisol,David Ngwale
ambao walikuwa sehemu ya wadhamini wa zoezi hilo,alisema suala la
utunzwaji mazingira ni la watanzania wote.
Alisema kampuni yao ambayo huzalisha umeme wa jua
itaendelea kusambaza huduma huyo hasa maeneo ya vijijini ili kuzuia
uharibifu wa mazingira katika kupata nishati ya umeme.
Mkurugenzi wa halmashauri ya Monduli,Stivin Ulaya alisema
wilaya hiyo kwa kushirikiana na wadau ikiwepo Mamlaka ya hifadhi ya
Ngorongoro imejopanga kukabiliana na uharibifu wa mazingira.
"Tumekuwa na miradi ya kupanda miti,kuhimiza majiko sanifu
na tunashukuru wadau kama Mamlaka ya hifadhi Ngorongoro kusaidia"
alisema.
Meneja wa malisho ya wanyama katika mamlaka ya hifadhi ya
Ngorongoro, Hillal Mushi alisema Mamlaka hiyo itaendelea kushirikiana na
serikali misitu na kulinda vyanzo vya maji.
Post a Comment