Wafanyabiashara Makambako wailalamikia halmashauri kwa kushindwa kukarabati soko

http://gopaidweekly.com/?ref=80557

          

 

WAFANYABIASHARA katika soko kuu la Makambako mkoani Njombe, wameilalamikia Halmashauri ya Mji kushindwa kukarabati soko hilo  kwa muda mrefu sasa.

Wakiongea na blog hii wamesema kuwa uchakavu huo umedaiwa  kusababisha bidhaa, ambazo zinahifadhiwa ndani ya soko hilo, kuharibika hususani kipindi hiki cha Mvua.

Wafanyabishara hao wamesema, hali ya soko kwa sasa ni mbaya na usalama wa mali zao umekuwa  wa mashaka licha ya kutoa ushuru wa soko kila siku.

Mrundikano wa taka katika dampo  pia umekuwa kero na kuhatarisa usalama wa afya zao,hali ambayo wamesema zisipochukuliwa hatua madhubuti, kuna hatari ya kuweza kuibuka kwa magonjwa ya milipuko ikiwemo kipindupindu na homa za matumbo.

Kwa upande wake Mkurugenzi wa Halmashauri ya Mji Makambako TINA SEKAMBO, amesema  kuwa katika bajeti ya mwaka 2014/15 jumla ya  sh, Milioni 150 zimetengwa kwa ajili ya ukarabati wa soko hilo.