HABARI ZA IRINGA; Wawili wafariki dunia mkoani Iringa, mmoja kwa kujinyonga mwingine kwa kunyongwa

                      kaimu kamanda wa polisi 

                 mkoa wa Iringa WANKYO NYIGESA

Watu wawili wamefariki dunia mkoani IRINGA katika matukio tofauti likiwemo la mtu kunyongwa na lingine la mtu kujinyonga

Akithibitisha kutokea kwa matukio hayo kaimu kamanda wa polisi mkoani hapa Bw. WANKYO NYIGESA amesema kuwa katika tukio la kwanza mtu mmoja analiyetajwa kwa jina la VITUSI MAYINGA ambaye ni mkazi wa kijiji cha IMAGE  amekutwa amejinyonga  chumbani kwake kwa kutumia kamba.

Kaimu kamanda NYIGESA amesema kuwa marehemu alikuwa anaishi na mkewe ambaye inasemekana kuwa ana matatizo ya akili, na hatimae kufikia uamuzi wa kujinyonga kutokana na ugumu wa maisha   uliokuwa unawakabili  katika familia yao.

Katika tukio jingine SELEMANI KUNDUGENI anashikiliwa na jeshi la polisi kwa kosa kufanya mauaji ya kinyama ya kumnyonga shingo BI.ASHA MWISOMBWA huko kijijini Mahenge,na hatimaye kumsababishia kifo

Kaimu Kamanda NYIGESAamedai kuwa mtuhumiwa anayedaiwa kuwa na matatizo ya akili baada ya kutendamauaji hayo alichukua jukumu la kumzika marehemu shambani kwake na kutoweka,ambapohata hivyo jeshi la polisi lilifanikiwa kumkamata.